產後9週：寶寶成日望住自己隻手，係咪有咩問題？

寶寶

寶寶滿兩個月之後，視野通常已經發展到一米左右，對住妳手上嘅玩具擺頭已經係家常便飯；寶寶好鍾意鮮艷嘅顏色，可以喺房間掛啲鮮艷嘅玩具，刺激寶寶視力發展；寶寶嘅情感越嚟越明顯，佢只要聽到父母嘅聲音就會感到開心，肚餓就會喊個不停，最有趣嘅係，寶寶喺父母懷中時會顯得好安心，並且無所畏懼咁發揮好奇心，觀察周圍嘅人事物。妳最近可能仲會發現寶寶成日望住自己隻手，有時仲會將兩隻手喺胸前互相接觸，佢嘅手冇問題，佢只係喺玩而家最鐘意嘅遊戲！

媽咪

如果妳已經返咗職場，妳可能會因為唔可以繼續哺乳而感到愧疚，媽咪可以買啲令集乳更方便嘅工具，或者如果妳決定停止哺乳，都唔好忘記買溢乳墊防止奶水濕到衫。妳可能會覺得照顧孩子到而家，身心已經快要爆炸，媽咪可以攞本筆記簿記錄寶寶每日嘅趣事同進步，呢個會令妳感覺到無限成就感，心情亦唔會咁累；雖然孩子仲細，但媽咪應該而家就開始學識放心將孩子交俾其他人，因為妳需要偶爾嘅放風時間先可以行得更遠，但如果妳唔相信其他人都會愛妳嘅孩子，甚至連老公都唔放心，咁妳只會被磨到搵唔返原本可愛嘅自己，所以啊，偶爾將孩子交俾親友，俾自己放一日假啦！