產後22週：寶寶訓過夜又鍾意食飯，成日甩玩具好搞笑！

寶寶

而家寶寶應該可以訓過夜啦，而且會慢慢表現出對食物嘅濃厚好奇心，食飯嘅時候妳會發現寶寶成日望住餐枱上嘅嘢，如果可以用手抓飯菜嚟食，對佢嚟講係最開心嘅事之一！為咗配合緊急速成長嘅身體，寶寶會好需要鈣，如果唔夠，身體就會變形，引致肋骨外翻同雞胸等症狀，所以父母要特別留意幫寶寶補鈣。最近妳可能成日被寶寶逗得哈哈大笑，因為佢對各種物件好好奇，會將到手嘅玩具拼命甩、重重丟落地，或者冇手嘅時候仲貪心望住第三樣……，可愛到爆！

媽咪

生產差唔多半年啦，鍾意靚嘅媽咪應該已經開始蠢蠢欲動想染燙頭髮，但母乳媽咪可唔可以用藥水呢？而家醫學報告仲未顯示燙髮藥水對寶寶有害，但染髮劑就唔同。染髮劑入面嘅PPDA成分會增加使用者患膀胱癌嘅機會，就算淨係塗喺頭皮都會被身體吸收，透過血液循環去到母乳，雖然低劑量影響可能好輕微，但建議能唔做就唔好做。另外而家好流行嘅霧眉、飄眉都一樣，因為過程會用少量麻醉藥、止痛藥同化學色素，雖然未有人證實會害寶寶，或者因為劑量好低唔影響健康，但仍然盡量唔好做。