產後21週：產後變笨冇好轉，係咪因為智商分咗比寶寶？

寶寶

寶寶由而家開始會慢慢長出乳牙，早啲嘅寶寶可能兩個月前就開始，遲啲嘅可能一歲先長都唔出奇。當牙齒長出嚟之後，每個寶寶反應都唔同，例如會發出各種聲音、用手摸自己嘅牙齒，或者脾氣暴躁到到處咬嘢等等，呢啲都係正常嘅。講到長牙，老一輩總話呢個階段嘅寶寶一定會發燒，其實啱嘅，但唔係牙齒本身搞到發燒，而係寶寶到處咬嘢、用手摸牙齒引起感染。開始長牙後，家長要注意潔牙，可以用乾紗布或者紗布巾擦拭，千祈唔好抱住「反正將來會換牙，蛀咗都無所謂」嘅心態，因為乳牙唔健康會影響未來恆牙發展。

媽咪

產後落髮嘅媽咪最近應該會開始停止落髮，準備長新生髮。如果呢個月過咗後落髮仲冇好轉，就可能要問醫生。好多媽咪會抱怨懷孕之後變得好笨，研究顯示呢個同孕期神經傳導物質減少有關，生完之後通常可以恢復，但大部分媽咪都話：「仲係好笨啊！」，呢個就唔係物質問題啦。產後媽咪要面對完全唔同嘅世界，從餵奶到照顧新生兒，一切都係全新又煩瑣嘅事，如果做唔好會害寶寶唔健康，仲會畀婆媽或者老公責備……再加上瞓唔夠，自然腦袋會混亂。媽咪可以努力搵方法舒壓，例如訓前沖溫水涼、配合寶寶作息休息、同老公傾下計，俾自己放假一日等等。