產後19週：寶寶鬧脾氣討抱抱，令我緊張到便秘！

寶寶

寶寶慢慢開始會討抱抱，妳會發現佢成日抬起手擺出渴望嘅表情，希望妳過去抱佢，如果妳冇滿足佢，佢就會開始大聲喊；而家佢會同鏡子入面嘅自己互動，會望住鏡中倒影微笑、「講嘢」，如果有任何唔開心，佢亦會盡情發脾氣。依家寶寶體內抗感染物質逐漸消失，自身免疫系統又未發育成熟，呢個階段要好好預防傳染病；大人盡量唔好帶小朋友出街，而且返到屋企要記得消毒雙手同面先可以同寶寶親密接觸。

媽咪

便秘，女人嘅公敵！相信好多野媽咪由少女時代開始就同便秘搏鬥過。講到改善便秘嘅方法簡直係老生常談，不過當媽之後同以前唔同，依家嘅妳可能為咗產後瘦身狂運動、食得均衡，仍然便唔出，甚至出現痔瘡。其實好多媽咪冇注意到，自己為咗餵奶失咗好多水分，每次去廁所都要趕快返去照顧寶寶，心理承受壓力好大。建議媽咪每日水份一定要飲到2000c.c，同時要認真同老公講自己嘅情況，請佢返工後抽時間顧小朋友，令妳心理放鬆。如果運動、飲食、水份、心理壓力改善後依然便秘，就醫開藥亦係好選擇。