產後15週：寶寶開始容易分心，係咪因為我嘅奶有怪味？

寶寶

銀鈴般嘅笑聲，用嚟形容寶寶嘅笑聲最啱唔過。依家嘅寶寶已經由笑唔出聲進步到可以笑出聲音，對父母嚟講無疑係最大嘅鼓勵，建議父母可以由而家開始用正常嘅語言同小朋友講嘢，而唔好用疊字或者兒語，咁樣就可以養成小朋友長大後講嘢嘅好習慣；寶寶會開始鍾意接觸唔同嘅人，當佢見到其他人時，佢嘅動作會變大、會發出各種聲音作秀俾大家睇，父母可以趁佢開心嘅時候播各種音樂、多同佢玩，藉此刺激佢成長。寶寶嘅口水變多咗，佢可能開始對枱上嘅食物感到好奇，吃奶時亦容易分心，父母可以將蔬菜湯加水沖淡後俾寶寶試飲少少，嘗試新嘢。

媽咪

剖腹產嘅傷口到第四個月正常嚟講已經唔會痛，但有部分媽咪會感覺到傷口發癢，會痕嘅可能原因有好多：

• 食物過敏 – 有啲媽咪會對特定食物過敏，造成傷口唔舒服，例如食咗海鮮，傷口就會痕。
• 肥厚性疤痕 – 癒合過程唔好，例如曾經感染過，就有可能疤痕增生、發痕，初期可以去藥房買美容膠貼喺傷口上自行消退，如果忍到後期，就只好交俾醫生處理。
• 蟹足腫 – 呢種體質即使唔係好深嘅傷口都可能造成過度增生，引起傷口紅腫、痕、凸起，蟹足腫嘅傷口唔似肥厚性疤痕可以自行消退，反而會持續擴大，因此請直接去睇醫生，請醫生評估最合適嘅治療方法。