產後10週：產後吵架高峰期，人生戰友由而家開始做起！

寶寶

寶寶嘅進步成日都係以半日計算，令父母一日入面就可以體驗到好幾次感動。依家寶寶嘅頸部已經越嚟越有力，趴住嘅時候抬頭都只係小菜一碟，妳可能會發現寶寶最近唔太鐘意橫抱，雖然豎抱可能會令佢個頭搖搖晃晃，但佢仍然好想睇到更廣闊嘅景象，建議有機會就豎抱寶寶，藉此刺激佢嘅智力同視覺發展。寶寶大腦皮層入面嘅感覺中樞同運動中樞嘅協調活動已經開始發展，妳可以多攞寶寶隻手去拍打各式玩具，並喺佢床邊掛幾個玩具，久而久之佢都會自己伸手去玩；此外，寶寶最近仲成日吸手指，呢個係因為佢進入咗鍾意觸摸同品嚐嘅階段，家長唔使過於擔心，只要記住保持寶寶手腳乾淨就得。

媽咪

成日聽人講，產後三個月係夫妻吵得最兇嘅黃金三個月，因為產婦嘅身心折磨無人可以分擔，產後「媽媽」呢個稱謂又無形中俾咗老婆好多壓力，大家都認為媽媽生嚟就應該識照顧寶寶，但其實呢啲對任何人嚟講都係需要學嘅。當老婆感到無奈或者嬲氣嘅時候，老公又會覺得自己每日返工都好辛苦，根本唔知帶孩子係幾咁繁瑣嘅事，咁兩個人就會喺「比累」之間產生無數爭拗。想解決呢個問題，不妨做好「夫妻工作分配」，慢慢將一兩樣嘢分俾老公，等老公長人性、體會到帶孩子嘅辛勞之後，再逐步將工作安排得平等，不單止可以維持夫妻感情，仲可以增進父子之情喔！