寶寶衫比媽咪嘅仲難揀？7大重點拯救新手媽咪
市面上種類多到眼花繚亂，包屁衣、蝴蝶衣、兔裝，係咪令你睇到頭都暈晒！媽咪們只要掌握7大重點，就可以一次過了解衫嘅種類同功用，無論揀尺寸定材質，自然就會更加有頭緒啦！
重點一、 肚衣、蝴蝶衣、兔裝大不同？先搞清楚寶寶衫嘅種類
開襟肚衣
特點：又叫紗布衣、開襟肚衣。肚衣係新生兒最貼身嘅衣物之一，造型係內、外側一共兩條綁帶設計。常見材質有紗布同棉布，前者比較透氣，後者比較保暖，可以按季節揀選長版或短版。
使用時機：0-3個月
穿衣難度：1顆星
小筆記
-
有啲長袖設計會附送細手套，但好容易俾寶寶甩開，建議購買反摺袖設計
-
短版長度大約喺肚臍位置，長版長度就會遮住大腿
-
三個月後嘅寶寶容易掀起肚衣，夏天就比較唔建議著
蝴蝶衣
特點：又叫連身衣。蝴蝶裝即係開襟肚衣2.0版本，上半部分係內外側綁帶設計，下半部分可以打開扣鈕，將件衫攤平時，好似蝴蝶造型，一路延伸到寶寶大腿。常見材質包括紗布同棉布。
使用時機：0-6個月
穿衣難度：2顆星
小筆記
-
蝴蝶衣下半部分設計比較鬆身，較少因為尿片過脹而令寶寶唔舒服
-
適合寶寶開始會掀肚仔時喺屋企著嘅內衣
包屁衣
特點: 包屁衣係寶寶衫入面變化同款式最多嘅一種！無論出街定喺屋企著都得～
下方扣鈕設計，包住寶寶嘅屁屁，方便媽咪幫寶貝換尿片。常見款式包括開肩扣、信封領、斜扣式同開襟綁帶設計。
使用時機：3個月以上
穿衣難度：3顆星
小筆記
-
如果寶貝未夠3個月，比較唔建議買套頭穿法嘅信封領設計
-
如果寶寶尿片脹起，可能會令下方比較緊，媽咪們可以多留意呢個情況
-
夏天款式多樣，仲有無袖同幼肩帶設計，令寶寶出街只著一件包屁衣都舒服唔焗促
-
信封領包屁衣因為長期拉闊，可能會導致領口過鬆
兔裝
特點: 兔裝即係長袖連身衣。常見設計包括開襟綁帶、斜扣式、拉鍊式，下方穿脫多數用扣鈕，適合冬天著。
使用時機：3個月以上
穿衣難度：4顆星
小筆記
-
包腳款兔裝可以幫寶寶保暖腳掌，但要特別留意長度係咪合適，先唔會令寶寶著得唔舒服
-
如果係一日要換超過10次尿片嘅寶寶，扣扣鈕會令媽咪好崩潰，都可以配搭棉柔肚衣＋彈性初生褲，直接除褲，一次過穿好都係一個方法
妙妙裝
特點: 妙妙裝腿部嘅扣鈕可以隨意扣，兼顧褲裝同裙裝，等媽咪可以按當下情況隨時變換造型，又叫兩用兔裝。
使用時機：3個月以上
穿衣難度：3.5顆星
小筆記
-
包覆性比蝴蝶衣好，適合冬天使用
-
冬天換尿片時，可以變換成裙裝，直接掀起就可以換
重點二、啱啱好就最好，嬰兒衫尺寸點揀？
了解衫嘅種類之後，揀尺寸都係好重要嘅一環～新生兒嘅衫唔使囤太多，尤其頭三個月幾乎都喺屋企活動，建議可以等寶貝出世之後先買三個月後嘅衫，觀察寶寶嘅成長狀況。
如果衫嘅尺寸比較難掌握，建議買大少少，過細嘅衫會令嬰兒唔舒服，同時揀鬆緊帶唔好太緊，避免造成寶寶勒痕同身體負擔。每個嬰兒服品牌都有自己嘅尺寸，但大多都會標示厘米數作參考。
重點三、新生兒衫點樣著？小心寶寶細手同頸
睇到呢度恭喜媽咪們已經知道點樣揀衫，而幫寶寶著衫呢個重大任務，喺唔同服裝同情況下，都要注意令寶寶穿脫得舒服自在。
- 沖涼好似打仗，著衫更加要快
寶寶沖完涼抹乾身體之後，要盡快幫寶寶包好尿片、著好衫。所以建議媽咪如果要幫寶寶著超過一件衫，可以事先將兩件衫套好，等寶寶沖完涼之後一次過著，唔單止快，仲唔怕寶貝凍親。
- 輕輕托住寶寶嘅頸
未夠3個月嘅寶寶只可以平躺，頸部非常柔軟。
如果寶寶衫係開襟綁帶或斜扣式設計，只需要將寶寶平放喺衫上面，將兩邊細手穿過，就比較唔會碰到頸部。
如果係信封領設計嘅包屁衣，可以先扣好下方扣鈕，再由下往上著；如果由上往下著，就先將件衫捲成皺褶狀，拉開領口，再套落寶寶頭部，套到一半時，一隻手輕輕托起頸，另一隻手慢慢順住寶寶頭向下拉，件衫過咗頸之後，就可以將寶寶平放，繼續著袖位啦～
重點四、唔好令寶寶痕癢—衫嘅材質同細節要咁揀
寶寶衫嘅材質可以話係揀品質嘅重要指標之一，所以盡量揀天然、柔軟嘅材質，先可以呵護寶寶敏感脆弱嘅肌膚。常見材質有紗布同棉布，兩種原料都係棉花，只係織法上有少少唔同。
- 紗布
適合夏天出世嘅寶寶，由於寶寶體溫較高，可以避免流汗引致皮膚敏感、生痱子，材質透氣唔焗。紗布吸水力強又快乾，而且唔易起棉絮同棉球。
-
棉布
棉布質地柔軟舒服，比紗布厚少少，吸汗能力更好，適合秋冬使用，保暖效果較佳。無論揀紗布定棉布，都可以透過以下幾點判斷材質係咪天然溫和
-
是否為純棉
純棉質地柔軟，如果布料過分光滑，可能混入化學纖維，記得檢查紡織品標籤成分。
-
有冇添加螢光劑
研究雖然未證實螢光劑會直接對人體造成傷害，但亦無法排除對嬰幼兒嘅影響。一般純棉衣服會略帶米黃色，如果顏色過白，就要留意有冇添加螢光劑，可以自行買紫光手電筒分辨。
-
盡量揀淺色
市面上有好多可愛花色嘅衫，但提醒媽咪們落手前要特別留意，顏色鮮艷嘅布料染劑比例較重，仲會用甲醛作助染劑，品質唔好嘅衫會影響寶寶皮膚健康。
-
有冇甩線頭
盡量唔好揀有大鈕扣嘅衫，如果有綁帶、四合扣、拉鍊等設計，都要留意縫線係咪牢固，有冇線頭外露。
- 有冇甲醛異味
如果聞到衫有刺鼻怪味，就要小心可能甲醛過重；如果香味過濃，亦要留意可能含有化學藥劑。
綜合以上幾點，寶寶衫材質真係要留意好多細節（昏），不過有 六甲村 無染棉寶寶衣著系列，就可以一次過滿足，無漂白、無染色、無游離甲醛，100%純棉，令媽咪寶貝都安心。
重點五、寶寶穿搭推薦—新生兒夏天、冬天點樣配搭？
寶寶出世後唔同階段體溫狀態唔同，所以要留意室內溫度同濕度。夏天適合26–28度室溫，冬天適合20–23度室溫，濕度控制喺40%–60%。建議可以用冷氣嘅除濕功能。
另外，可以先按出世季節決定寶寶出院衫嘅購買順序，以下提供幾個穿搭建議
春天出世嘅寶寶
0–3個月可先著透氣短版紗布肚衣＋包巾，入夏後可以單著蝴蝶裝。因為春天天氣微涼，可以用「洋蔥式穿法」增減衣物。
夏天出世嘅寶寶
0–3個月可先著透氣短版紗布肚衣或蝴蝶衣，開冷氣時可著蝴蝶裝＋肚圍，清爽又唔會凍親，或者單著短袖包屁衣。
秋天出世嘅寶寶
0–3個月可著紗布／棉布肚衣＋彈性褲，或者長袖包屁衣，比冬天著少少。
冬天出世嘅寶寶
0–3個月可著長版紗布肚衣＋長袖兔裝，如果要加強保暖，可以配搭手套同腳套。
重點六、阿嫲擔心寶寶凍，點樣判斷寶寶係凍定熱？
「個細路咁著會唔會太少？」其實寶寶新陳代謝快，體溫較高，所以唔使著太多，可以參考大人著幾件，寶寶就著幾件。
寶寶太熱時
- 變會變得躁動、喊鬧、面紅紅，可以摸下寶寶後頸同背部，如果覺得發燙，就要幫寶寶減衫。
- 瞓覺時寶寶容易頭部出汗，可以喺枕頭下面墊一塊紗布巾。
- 寶寶末梢神經未發達，手腳微涼屬正常，要視乎情況加手套或腳套。
寶寶太凍時
- 會開始出現嗜睡、活動力低等狀況
重點七、寶寶衫可以放洗衣機洗嗎？
寶寶衫點洗先唔會影響原有品質，又唔傷寶寶嫩肌呢？
- 手洗並減少使用洗劑
寶寶衫通常唔會太污糟，加上布料柔軟脆弱，手洗已經夠。洗劑要揀中性、弱鹼性或嬰兒專用洗衣精，避免殘留刺激。
- 同成人衣物分開洗
成人衫外出容易沾染病菌同污垢，與寶寶衫一齊洗容易將污糟物附著喺寶寶衫上。
- ３個月前寶寶貼身衣物
適合水洗，新生兒衫其實唔太污，用清水就得。如果溢奶嚴重，因為奶含油脂，可以加少量中性洗劑。
- 避免用刷清洗貼身衣物
寶寶貼身衣物纖維較幼，用刷可能會破壞纖維。如果污漬頑固，可以用軟毛刷輕輕刷。盡量用「捏」「壓」方式代替擰乾，避免變形或破裂。
- 新買衫要洗過先著
因為嬰兒服飾製程中會含少量甲醛，甲醛溶於水，只要水洗即可去除，浸水約15–20分鐘
- 黃漬或奶漬局部清潔
將小蘇打粉同洗劑混合，加少量水，局部塗喺黃漬位置，靜置15–30分鐘，再用軟毛刷輕輕搓洗。