餐枱成日似戰場？寶寶食飯應該注意啲乜嘢？
有咗寶寶之後，不單止瞓唔好，好好食一餐飯都難！提早破解呢啲頭痛狀況，先可以早啲解放你雙手～學識食飯係必要功課，但令小朋友唔排斥食飯嘅心態更加重要。
依寶寶嘅學習歷程，
- 4-6個月 – 開始用手抓食物，練習咀嚼、吞嚥
- 7-8個月 – 寶寶學習心強烈，想攞爸爸媽媽手上嘅餐具或食物
- 1歲後 – 寶寶會抓住餐具，枱面可能一團亂
- 2歲後 – 寶寶更能運用湯匙，開始使用學習筷
當寶寶開始對你手上嘅餐具有興趣，或者用手抓食物，就係練習嘅好時機，
但又可能會遇到啲咩問題呢？
一、狀況1、被周遭環境吸引
寶寶專注力有限，只要身邊有比食飯更有趣嘅嘢，就可能分心，養成食飯環境：
- 家人一齊食飯
- 寶寶坐喺專屬位置
- 食飯唔配3C – 唔好用電視、手機吸引小朋友
二、狀況2、一食飯就喊
要減少寶寶食飯嘅挫折感，就要揀啱嘅食物同餐具
寶寶生嚟就識吸吮乳汁，但「咀嚼」、「吞嚥」就要練習：
- 7-8個月先比泥狀食物
- 1歲後比細碎嘅肉或蔬菜，避開難撕碎嘅食物
最常用嘅湯匙，都要按階段調整：
- 初期 – 湯匙邊緣要圓滑，湯匙面唔好太大，好入口就得
- 後期 – 寶寶自主練習，揀較輕嘅湯匙，握柄粗圓更易抓
貼心提醒：準備防漏圍兜、防滑碗，減少可怕餐枱場景；1歲後要準備水杯俾寶寶飲水
三、狀況3、寶寶唔想食，會唔會餓親？
寶寶6-7個月會開始長牙，可能痛到唔想食嘢；1歲後亦會經歷厭食期
遇到呢啲狀況唔使太擔心寶寶會餓，一餐隔咗反而會食多啲
只要特別注意點心時間，只可以比少少，避免養成點心當正餐嘅習慣
如果寶寶排斥食飯，避免直接用「唔得」呢啲字眼，或者強迫食
爸爸媽媽可以自己先食俾寶寶睇，令佢聞吓食物味道，更能引起好奇心
睇到呢度，各位爸媽真係辛苦啦！一定仲有好多頭痛狀況，
甚至搵唔到寶寶突然大喊嘅原因，呢時安撫佢嘅小情緒先係最重要嘅！祝福各位爸媽都可以早日回歸食飯自由。