母乳唔夠，點樣正確母乳混配方奶？

一、母乳唔夠，點樣正確母乳混配方奶？

奶量唔夠唔係媽咪嘅錯，原因可能好多野，如果奶量未能支撐寶寶每日所需，母乳 + 配方奶都係延續母乳嘅方法。

二、除咗奶量唔夠，咩情況你都可以咁做？

1. 訓前嗰餐，令寶寶瞓得飽啲

配方奶消化速度比母乳慢，可以比母乳頂得耐啲，幫媽咪爭取瞓覺時間。

2. 返工後，哺乳時間難掌握

除咗靠擠乳器幫手，可以事先儲存母乳；媽咪都可以出門前同返屋企後親餵寶寶，上班時間就請家人幫手餵配方奶。

三、母乳 + 配方奶混哺方法

1. 以母乳為主，配方奶為輔

例如：新生兒3個月奶量需求大約係120-150cc，如果母乳得70cc，飲完後再補80cc配方奶。
優點係：令寶寶繼續吸吮，保持定時刺激，唔會導致奶量下降。

2.一餐母乳、一餐配方奶

呢個方法較適合返工嘅媽咪，或者一餐母乳量足夠嘅媽咪，下一餐就用配方奶替代。
優點係：一餐親餵、一餐瓶餵方便，唔使成日計比例。

Q1: 可唔可以直接將配方奶加入母乳？

A: 唔可以，如果直接將粉狀配方奶加入母乳，會改變水嘅比例同平衡，令餵奶濃度過高。新生兒腎臟未成熟，需要足夠水分，先唔會造成腎臟負擔。