想要寶寶做喝奶小天使？先了解呢啲喝奶小情緒
寶寶喊就係肚餓？點解每次喝奶永遠都剩返30c.c.？呢啲困擾係咪令你好難估奶量？破解呢啲小狀況，等你餵得更順利！
一、奶量要飲幾多？一日要餵幾次？
寶寶胃容量細，啱啱開始餵奶頻率高，大約2-4個鐘餵一次。
親餵媽咪：寶寶肚餓，即刻畀佢飲。
瓶餵媽咪：要注意「奶量」同「頻率」。
瓶餵媽咪可能試過一餐抓咗奶量，寶寶卻飲唔晒或者飲得太少。
你可以跟呢個步驟：依寶寶一日需要奶量 ≫ 觀察寶寶一次飲幾多奶 ≫ 調整一日餵奶次數。
例如：
奶量計算：寶寶體重(公斤) x 150c.c = 一日所需奶量
假設寶寶5公斤，奶量為5 x 150c.c. = 750c.c
若觀察寶寶每次大約飲120c.c.，一日需餵6-7次
以上奶量計算可以作參考，仍要觀察寶寶尿布量、飽足反應同體重是否正常呀~
二、寶寶喊係咪因為太餓？點觀察？
寶寶喊之前，其實會有啲特定行為。等到寶寶喊咗，通常要花更多時間安撫，此時千祈唔好即刻餵奶，可能會令寶寶脹氣，更重要係先安撫佢嘅小情緒。
寶寶餓時：
- 吐舌、嘟嘴
- 將手放入口入面
- 左右搵乳頭
寶寶吃飽時：
- 飲奶速度慢慢變慢
- 露出滿足笑容
- 頭轉向，離開乳房
三、點解每次瓶餵都剩返30c.c？
當奶瓶入面液體減少，壓力唔夠大令液體唔易流出，如果寶寶啱啱有啲飽唔想用力吸，就會剩返咁少啦~
遇到呢種情況，爸媽可以：
- 先轉開奶瓶，釋放空氣，再繼續餵
- 直接倒出嚟，用杯餵
四、點解會厭奶呢？
4個月後，寶寶成長速度相對慢，熱量需求少咗，開始食副食品，對其他食物更有興趣。
厭奶期大多發生喺4-6個月，奶量減少，或者飲奶時間延長。
寶寶厭奶時，雖然冇法定量，但仍可定時餵，採用「少量多餐」，並觀察尿布數量有冇少好多。
喺屋企餵奶時，揀安靜唔受干擾嘅環境，先可以令寶寶更專心。
五、媽咪需要補眠！夜奶幾時結束？
新生兒平均2-3個鐘餵一次奶，半夜一定免不了再飲一次。但如果4個月後開始食副食品，就要注意戒夜奶嘅時間呀~寶寶都有自己嘅睡眠週期，而第一次瞓著係因為含住媽咪乳頭瞓著，所以寶寶好習慣咁嘅「安全感」，先可以進入下一個睡眠週期。
你可以咁做：
- 提供寶寶安撫小物，例如奶嘴、小毯、固齒器或者媽咪抱抱
- 縮短最後兩餐飲奶嘅間隔時間
- 最後一餐可以餵配方奶，比較耐肚
睇完會唔會覺得寶寶飲奶眉角好多呢？餵奶之路真係不停咁試呀。