寶寶卸貨啦！6-8週嘅產後護理要注意啲咩狀況？

2024年10月13日

撐咗10個月嘅大肚，需要至少6-8週時間先復原。

建議媽咪哋第一週盡量瞓喺床上休息；產後一個月內唔好過度活動，少提重物。

一個月之後，等傷口同活動力恢復，可以開始做輕度運動，並揀啲對哺乳有益嘅食物。

產後邊啲狀況要注意？

疼痛大約1-3日，1週後逐漸減輕消腫，緊繃感要一個月先會消失。
清潔護理：清洗會陰部時，可以用坐浴盆或者生理沖洗瓶，水溫約40度，每日3-5次，有助減輕局部疼痛。

大約1-2個禮拜癒合，產後6個月疤痕進入穩定期。
清潔護理：第一週傷口唔可以碰水，隨時留意傷口有冇發熱、紅腫，可以用「擦澡」方式清潔。產後開始用束腹帶，減少拉扯傷口，建議先束一個月。

子宮要恢復返原本大小，會經過大約3日收縮，因此會感到痛。

如果收縮唔夠而導致惡露量持續唔停，造成子宮恢復唔全，要即刻通知醫生處理。

惡露係胎盤剝離部分嘅出血，同陰道分泌物混合。

產後媽咪嘅乳房會腫脹，經寶寶吸吮後先會暢通，繼續分泌乳汁。如果乳線唔暢通，會造成石頭奶或者因細菌感染引起乳腺炎，可以透過按摩舒緩，千祈唔好硬推或揉壓硬塊。

撐大咗10個月嘅子宮同肚皮，造成腹直肌分離，腹部下墜感沉重。產後1個月可以用束腹帶支撐腹部不適感，慢慢開始做輕度腹部運動。

因生產骨盆大力撐開，好脆弱，媽咪呢時仲唔可以大力郁，可以用骨盆帶固定，或者等幾週後先開始做髖關節同骨盆運動。