孕期第40週：預產期到咗，寶寶點解仲未出嚟？我係咪少做咗啲嘢！
寶寶
如果按正確經期計，呢週就係寶寶嘅預產期啦，但統計嚟講，準時出世嘅寶寶得5%，所以媽咪唔使太緊張，第40週仲未出嚟都唔會對寶寶造成負面影響。
媽咪
預產期到咗，媽咪有擔心係必然嘅，但呢個時候最需要媽咪放輕鬆，既然慢郎中寶寶仲想俾妳啲時間準備，不如媽咪了解下分娩止痛同麻醉啦。好多媽咪對無痛分娩有懷疑，研究指出，早期陣痛就用麻醉唔會增加剖腹產機率，反而可以增加宮縮頻率，令生產更順利，因為產婦會放鬆啲。咩天然方法可以降低痛楚呢？
- 企喺溫水蓮蓬頭下面
- 起身行動；請注意，產婦行動時要有人扶住，以免跌倒
- 按摩放鬆；每小時按摩20分鐘對孕婦嚟講係好嘅，親切嘅觸碰同撫摸對痛楚好有幫助
- 聽輕音樂
- 用生產球
- 芳香療法
