孕期第26週：天天做惡夢，係唔係寶寶想同我講咩嘢？

寶寶

呢星期頭臀長大約23公分，體重大約係910公克左右。你或者有發現，胎兒而家已經開始有明顯嘅作息，某啲特定時間佢會特別活躍，其他時間就完全靜止，因為佢喺訓覺；而家呢個時候，胎兒嘅五種感官都已經完全發育，好似你照超音波時可以睇到，如果醫生用手電筒照射你嘅肚皮，胎兒就會自動將頭轉向光源，呢個就證明咗胎兒視覺神經嘅發展。除此之外，你仲可以透過超音波見到胎兒一直緊閉嘅雙眼終於睜開。呢星期孕中期正式結束，接落嚟胎兒會漸漸唔需要子宮保護，呢個就表示胎兒如果唔幸早產，都可以存活。

媽咪

恭喜媽咪捱過咗三分之二嘅孕期，呢個時候你嘅身形應該更加臃腫喇，隨住子宮重量增加，你嘅背痛、抽筋、頭痛等症狀可能會更加頻繁出現，如果可以請繼續維持飲食均衡，並且根據自己嘅症狀補充相應營養，例如貧血就補鐵、抽筋就補鈣等。你最近可能仲會被惡夢搞到心神不寧，每日已經好攰，仲休唔到好覺，呢個係因為你正為即將成為人母而感到焦慮造成嘅，你唔需要因此覺得難受，因為你一定會係一個好媽媽。現階段嚟講，你只需要留意自己嘅身體狀況，保持胎兒喺健康、安全嘅環境就可以，如果真係覺得壓力好大，可以多同老公、姊妹淘傾偈。