孕期第25週：胎兒鼻孔張開開，媽咪卻要面對痔瘡嘅出現…

寶寶

呢星期嘅胎兒體重嚟到700公克，頭臀長就大約22公分左右。胎兒嘅鼻孔漸漸由閉合狀態張開，而且肺部血管都開始發育、吸取氧氣發揮功能；雖然寶寶嘅牙齒唔係一出世就有，但佢哋嘅牙苞係媽媽肚入面已經開始發育喇！呢一星期嘅進展係：恆齒嘅牙苞會上升到未來乳齒生長位置嘅底下。講咗你可能都唔信，但呢星期嘅寶寶如果早產，其實係有機會可以存活嘅，雖然機率唔高，但而家醫術發達，要一個700公克嘅小嬰兒喺世界上存活唔係唔可能，好神奇吖係咪？

媽咪

呢星期嘅子宮大小大約係一顆足球，如果你覺得腹腔好唔舒服，好似冇一個內臟係舒適嘅，咁我只可以講，媽咪你嘅感覺係啱嘅，因為所有內臟真係都漸漸被擠壓到唔同位置。呢時好多媽咪會因為腹壓關係，導致肛門靜脈曲張長痔瘡，對孕婦嚟講好難避免，因此先至有俗語「十女九痔」嘅講法。想避免應該點做？除咗少食辛辣嘢、每日食五個拳頭咁大嘅蔬果、飲2000c.c水之外，仲要記得多同醫生反應自己便秘嘅狀況，有需要嘅時候適量服用軟便劑或者塞劑對胎兒冇太大影響。痔瘡症狀喺產期冇辦法做太多處理，但大部分症狀會喺產後減輕，如果症狀冇緩解，先至需要去睇醫生處理。