孕期第22週：白頭寶寶長頭腦，媽咪變得好食好訓好好玩！

寶寶

本週頭臀長約19公分，體重約350公克。胎兒嘅頭髮同眉毛喺呢週開始變得明顯，但而家仲未有任何色素，所以睇落會係一堆白色線條；除咗頭髮同眉毛，胎毛亦喺呢週完整覆蓋胎兒全身。眼瞼雖然仲係緊閉，但其實胎兒已經開始做眨眼動作；大部分頭顱都已經出現，而家仲係軟骨狀態。呢週開始胎兒嘅大腦急速發展，呢個階段會持續到小朋友五歲先完。

媽咪

而家可能係整個孕期最舒適嘅時候，因為害喜階段已經過咗、情緒穩定，而你嘅肚子仲未令你訓唔到、食唔到，所以媽咪如果想去旅行可以趁而家快啲出發，免得後期行唔到啦！母體每三個鐘就會替換一次羊水，所以孕期中嘅媽咪應該要飲大量水，以免血液變濃、出現脫水，脫水會令胎兒獲得嘅養分減少，而身體亦會加倍疲倦，仲有尿道感染、血栓等風險都會增加。如果媽咪最近覺得心跳成日都有啲快，呢個係正常，唔使擔心，由於胎兒增加咗你嘅身體負擔，反映喺心跳上都係好自然嘅。