孕期第39週：寶寶即將同妳見面，媽咪最後健康衝刺！

寶寶

胎兒而家體重3300公克，頭臀長約36公分，全長身高大約50.5公分。胎兒而家已經冇乜空間可以活動，但佢依然持續成長中；有啲胎兒可能會有臍帶打結嘅問題，但通常唔會造成太大問題，就算勒到胎兒頸仔，只要醫生小心處理，臍帶繞頸都唔係問題。

媽咪

越接近生產，媽咪個肚越大，因為胎兒好好長大嘅任務已經完成，之後就剩媽咪要好好照顧自己、順利生產啦！如果係打算哺乳嘅媽咪，請問自己嘅醫生睇下有冇需要補充維他命，尤其係鈣類保健品千祈唔好停，因為孕期到產後哺乳期間鈣嘅流失好嚴重，如果唔好好補鈣，媽咪本身可能會經常抽筋，甚至提早骨質疏鬆，所以呢方面一定要注意。若果唔打算哺乳嘅媽咪，都請好好制訂一套自己嘅健康餐單，係為自己嘅健康，亦都係為未來有體力陪伴小朋友；另外，唔哺乳嘅媽咪都唔好擔心寶寶嘅健康問題，雖然母乳同配方奶有啲差別，但寶寶唔會因為淨係飲配方奶就變得體弱多病，所以媽咪千祈唔好因為寶寶飲奶嘅事而過份苛責自己，唔好將壓力全部放喺自己身上。