孕期第16週：最近腸胃蠕動好活躍？媽咪嗰個係胎動啦！

寶寶

本週頭臀長約10.8–11.6公分，體重約80公克，大約係一塊普通身體肥皂嘅重量。胎兒嘅臍帶已經連接到肚臍位置，指甲亦都已經完全成形。胎兒而家已經學識手足舞蹈，所以今個星期做超音波時，媽咪就可以見到胎兒揮動手腳嘅樣啦！你知唔知呢代表咩呢？嬰兒喺郁動，嗰個就係胎動呀！好多媽媽都會喺呢個時候同醫生反映，話自己最近腸胃好躁動，每日都好似有好多氣泡嘅感覺，其實呢個係寶貝同你say hello互動緊呀！

媽咪

胎兒嘅大小同個性唔同，所以媽咪感受到胎動嘅週數都會唔一樣，如果今個星期仲未感受到嘅媽媽都唔使擔心，可能你嘅寶寶係屬於文靜型嘅孩子，又或者寶寶體型仲未大到令你有所感覺。媽咪應該由今個星期開始留意瞓覺嘅姿勢啦！由於胎兒逐漸成長，羊水亦大量增加，媽咪嘅子宮喺平躺時會壓迫到主動脈同靜脈，導致胎兒血流量減少，繼而造成胎兒營養不足；建議媽咪瞓覺時可以向左側躺，其餘休息時間無論係靠喺枕頭上又好、靠喺椅子上又好，只要唔好背部平躺就得！呢個階段嘅胎兒會大幅成長，令孕婦對鐵質嘅需求提升到4倍之多，如果孕前本身就容易貧血，孕期唔補鐵好容易造成缺鐵性貧血，導致血細胞攜氧能力下降，引發胎兒宮內缺氧，最終影響胎兒腦細胞發育。