孕期第10週：醫生話進入胎兒期，身長竟然只係一粒梅咁大？
寶寶
第10週開始，寶寶已經由胚胎期進入胎兒期，相比好容易受傷導致先天性缺陷嘅胚胎，胎兒嘅成長相對穩定。呢時候寶寶大約已經同一粒梅咁大，重量大概5克；手指幾乎成形，大部分內臟、眼皮、嘴唇、乳齒芽都慢慢發育，寶寶開始慢慢變成二頭身嘅細細小娃娃啦！再過一陣，寶寶嘅性別就可以揭曉，耳仔亦可以聽到外界嘅聲音啦！
媽咪
呢週媽咪會發現，喺日常生活好容易貧血、情緒起伏好大、孕吐症狀達到高峰，而且超級想瞓！呢啲都同寶寶瓜分營養、荷爾蒙變化有關。此時媽咪要注意飲水量，避免孕吐引致脫水，能食就食，遇到貧血或疲倦嘅時候唔好硬頂，好好休息啦！注意，如果出現以下情況一定要通知醫生：
此時媽咪可以開始諗生產計劃啦，無論係揀生產醫院、助產所、月子中心、月子婆，定安排好突發狀況送醫事項，都可以慢慢準備，畢竟越早開始，選擇越多呀！
